Pas disa konfrontimesh verbale në Qendrën e Numërimit dhe Rezultateve, raportohet se është shtuar prezenca e Policisë së Kosovës, shkruan Insajderi.

Prezenca e tyre erdhi pas një konfrontimi mes vëllait të Gani Gecit, Nehat Geci dhe dhe përfaqësuesit të Lëvizjes Vetëvendosje në KQZ, Alban Krasniqi – njëherësh bashkëshorti i ministres së Drejtësisë, Albulena Haxhiut.

Më pas është parë i pranishëm në QNR edhe Gani Geci. Geci shihet duke qëndruar mes përfaqësuesve të partive politike ndërsa numërohen votat e ardhura me postë.

Përplasje gjatë ditës pati edhe Sami Kurteshi, anëtari i Komisionit Qendror të Zgjedhjeve nga Lëvizja Vetëvendosje. Ai pati një diskutim me tone të ashpra me vëzhguesit e LDK’së dhe AAK’së./ Gazeta Insajderi/