Një grabitje e armatosur ka ndodhur dje në një filial të Bankës Kombëtare Tregtare në Prishtinë. Policia e Kosovës ka dhënë detaje rreth rastit në fjalë.

Sipas raportit 24 orësh, shuma e parave që janë grabitur është rreth 8 mijë euro.

Grabitja dyshohet se është kryer nga tre persona.

“Rr. Idriz Gjilani, Prishtinë 01.04.2022 – 08:40. Raportohet se tre persona të maskuar dhe të armatosur kanë kryer grabitje në një bankë private. Sipas ankueseve, dyshohet se janë grabitur rreth 8000 euro. Rasti është duke u hetuar”, thuhet në raport.