Nëse keni nevojë të depiloheni shpesh, me siguri keni pasur probleme me kruajtjen e pakëndshme të lëkurës dhe njolla të kuqe që shfaqen pas përdorimit të briskut, veçanërisht nëse lëkura juaj është më e ndjeshme

Femrat me lëkurë më delikate shpesh mund të vërejnë puçrra të vogla dhe të kuqe që kruhen. Kjo ndoshta është një shenjë që ju keni një problem me qimet e rritura.

Këto situata zakonisht janë të padëmshme, domethënë thjesht do të thotë që njëra prej qimeve ka problem me rritjen. Megjithatë, në rast se shfaqen gunga më të mëdha, është mirë të konsultoheni me një dermatolog ose gjinekolog, sepse mund të jetë inflamacion i gjëndrave.

Pse qimet e rritura janë më të zakonshme në zonën e bikinit?

Qimet mund të rriten edhe pa depilim sepse thjesht rriten në këndin e gabuar dhe nuk mund të shpërthejnë në sipërfaqen e lëkurës. Ato rriten veçanërisht kështu pas rruajtjes, sepse shpesh përdridhen dhe rriten anash drejt folikulit të qimeve. Kur kjo ndodh, lëkura reagon me kruajtje, skuqje, ënjtje dhe në disa raste edhe dhimbje, transmeton Telegrafi.

– Rruajtja shkakton mikrotrauma, veçanërisht nëse përdorni brisqe me teh të dyfishtë ose të trefishtë – shpjegon Deborah Bartholomew, profesoreshë dhe drejtore e klinikës në Qendrën Mjekësore Wexner të Universitetit të Ohajos.

Kur qimet fillojnë të rriten, ato dalin nga gjëndra e saj, ndërsa qimet e rritura rriten përsëri në lëkurë dhe kështu mbeten nën sipërfaqe.

– Kjo shkakton inflamacion dhe shkakton një gungë të dhimbshme rozë të errët ose të kuqe që është tre deri në katër milimetra në diametër. Ndonjëherë ato kruhen ose duken si puçrra sepse janë të mbushura me qelb dhe ju mund të shihni qimet në mes. Kjo ndodh sepse më shumë se 80% e femrave depilohen – thotë doktoresha Adeeti Gupta.

Si të shpëtojmë nga qimet e rrënjosura?

Qimet e rrënjosura mund të shfaqen kudo, por janë veçanërisht të dhimbshme në zonën e bikinit. Edhe pse mendoni se është e zgjuar të përpiqeni t’i nxirrni sepse duken si puçrra, mbajini duart larg tyre.

– Mos u mundoni t’i nxirrni jashtë, mos i prekni, mos bëni asgjë – këshillon doktor Bartholomew, duke vënë në dukje se duke shtypur apo prekur mund të transferoni baktere nga duart dhe të merrni një infeksion.