Qeveria e Kosovës më 3 shtator lansoi një pako 150 milionëshe që do të përfshijë subvencionim të rrymës si dhe mbështetje financiare për disa kategori të shoqërisë.

Mes tjerash, ekzekutivi kishte paraparë që për sektorin privat, mbështetjen ta lë në kapacitetet e punëdhënësve, të cilët do t’i subvencionojë përgjysmë për tre muaj po qe se ua rrisin pagat punëtorëve.

Këtë kushtëzim po e kundërshtojnë nga Federata Sindikale e Punëtorëve Teknikë të Sektorit Privatë të Kosovës, të cilët edhe i kanë dërguar letër Kryeministrit kosovar, Albin Kurti dhe Ministrit të Financave, Hekuran Murati.

Në shkresat, që ka siguruar FrontOnline, kryetari i kësaj sindikate, Jusuf Azemi ka kërkuar që të ndryshohet kushti i fundit për rritjen e pagave të punëtorëve të sektorit privat.

“Sindikata jonë,  kërkon  që të hiqet kushtëzimi nëse pronarët e kompanive paguajnë për punëtorët nga 50 euro do të paguani edhe ju, andej duke u nisur nga gjendja dhe praktike e kahershme nëse nuk hiqni këtë kushtëzim, 95 % e punëtorëve të sektorit privat të Kosovës nuk do të kenë mundësin t’i marrin këto mjete”, thuhet në shkresën që e ka siguruar FrontOnline.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur