×
  • Lajme
  • Botë
  • Lajme / Botë

    Siri: Dy të vrarë, por armëpushimi respektohet

    Insajderi
    27 February 2016 - 12:04
    Klikoni Këtu për t'u bërë pjesë e kanalit të Insajderit në Youtube.

    Dy vetë janë vrarë dhe dy të tjerë janë plagosur nga një sulm vetëvrasës në qytetin Salamijeh në Siri, që është nën kontroll të qeverisë, disa orë pasi ka filluar implementimi i armëpushimit.

    Përkundër këtij sulmi të sotëm, raportet sugjerojnë se armëpushimi ka sjellur qetësi relative në disa pjesë të Sirisë.

    Marrëveshja për ndalje të armiqësive e arritur me ndërmjetësimin e Shteteve të Bashkuara dhe Rusisë, është pranuar nga qeveria e presidentit, Bashar al-Assad, dhe shumë grupe opozitare që luftojnë kundër qeverisë.

    Sipas marrëveshjes, luftimet duhet të ndalen në mënyrë që për civilët të arrijë ndihmë humanitare dhe të hapen bisedimet për përfundimin e luftës, nga e cila janë vrarë më se 250 mijë njerëz, ndërsa afro 11 milionë banorë kanë mbetur pa kulm mbi kokë.

    Në këtë marrëveshje nuk përfshihen grupi militant, Shteti Islamik, dhe Fronti Nusra, që është degë e al-Kaidës në Siri.

    Në Moskë, zyrtarët ushtarakë rusë thanë se Rusia i ka suspenduar sulmet ajrore në një “zonë jeshile” në Siri, në harmoni me marrëveshjen.

    Aktivistët opozitarë në pjesë të ndryshme të Sirisë thanë se situata ishte “e qetë”, prej mesnatës, kur marrëveshja ka hyrë në fuqi, megjithqë kanë raportuar për shkelje sporadike./REL

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark