Në seancën e mbajtur sot në Kuvendin e Kosovës, nuk ka pasur kuorum të mjaftueshëm për të vendosur në votim nëntë marrëveshje ndërkombëtare.
Kryeparlamentari, Glauk Konjufca është shprehur se pikat e rendit të ditës do të barten në seancat e radhës, më tej ai u shpreh se nuk janë të pranishëm 80 deputetë në Kuvend.
Themelimi i organit përzgjedhës të pavarur për përzgjedhjen e anëtarit të Organit Shqyrtues të Prokurimit ka dështuar për shkak të mungesës së votave të mjaftueshme, i njëjti njoftoi se kjo pikë e rendit të ditës mbetet për t’u shqyrtuar në një nga seancat e ardhshme.