Pas një pauze dy javore, nesër do të vazhdojë gjykimi në rastin e ish-krerëve të UÇK-së, Hashim Thaçit, Kadri Veseli, Jakup Krasniqi e Rexhep Selimi që ndodhen në Hagë.
Gjykimi do të vazhdojë me paraqitjen e provave nga Zyra e Prokurorit të Specializuar (ZPS).
Me 17 prill Trupi Gjykues urdhëroi vazhdimin e paraburgimit për Thaçin dhe të tjerët.
Dëgjimi i dëshmitarëve në procesin gjyqësor deri më tani është zhvilluar i mbyllur për publikun.
Deri tani janë dëgjuar dy dëshmitarë të mbrojtur, ndërsa dëshmitari i tretë i prokurorisë është paraqitur në gjykatore të enjten.
Gjykimi ndaj ish-krerëve të UÇK-së ka nisur më 3 prill me deklaratat hyrëse të palëve.
Para trupit gjykues, Thaçi, Veseli, Selimi dhe Krasniqi janë deklaruar të pafajshëm për akuzat e ngritura./Insajderi