Futbollisti i Liverpoolit, Daniel Sturridge, është gati të largohet nga Liverpooli gjatë afatit kalimtar të verës, njofton e përditshmja britanike ‘Mirror’.

26 vjeçari beson që me një largim të mundshëm nga skuadra e Kloppit, do të arrinte të rikthente formën më të mirë të tij me klub dhe përfaqësuese.  Sturridge po kalon një sezon me shumë lëndime.

Trajneri i ri i Liverpoolit, Jurgen Klopp, nuk është i kënaqur me formën fizike të lojtarit. Këtë shqetësim ai e ka shprehur hapur në mediat angleze. Vetë Sturridge beson që është koha për një fillim të ri në një tjetër ambient.

Situatën e sulmuesit anglez janë duke e vëzhguar disa klube angleze, përfshirë Arsenalin e Chelsean të cilat janë të gatshme të afrojnë ish-futbollistin e Manchester Cityt, përkundër situatës së vështirë që Sturridge po kalon.

Sturridge ka 18 muaj që po pëson lëndime të njëpasnjëshme, por tani është kthyer në stërvitje dhe po pret mundësinë të aktivizohet.