Kryeministrja e Danimarkës Mette Frederiksen, është sulmuar në rrugë në Kopenhagë.

Kryeministri i Kosovës, Albin Kurti ka reaguar pas sulmit duke u shprehur i shqetësuar nga kjo ngjarje, duke shtuar se figurat publike, veçanërisht gratë përballen me kërcënime dhe rreziqe alarmante.

“Jam thellësisht i shqetësuar nga raportimet se kryeministrja daneze Mette Frederiksen u sulmua sot në Kopenhagë. Kjo ngjarje shqetësuese vjen mes dhunës dhe tensionit në rritje përpara zgjedhjeve të BE-së. Figurat politike, veçanërisht gratë, përballen me kërcënime dhe rreziqe alarmante në rolet e tyre publike, duke theksuar kërcënimin e rëndë ndaj demokracisë që përfaqësojnë sulme të tilla. I urojmë Kryeministrit Frederiksen një shërim të shpejtë dhe të plotë gjatë kësaj kohe sfiduese”, shkroi Kurti.

Sipas policisë, Kryeministres i është afruar një burrë dhe më pas e ka goditur me grusht.  “Jeta e saj nuk është në rrezik, por Frederiksen është tronditur shumë”.

Në momentin kur ka ndodhur sulmi ajo sapo kishte përfunduar takimin në një nismë politike me Christel Schaldemose.