Ish-deputeti i Partisë Demokratike të Kosovës, Azem Syla, i dyshuar për krim të organizuar, është dërguar në një spital privat për t’iu nënshtruar disa kontrolleve mjekësorë.

Lajmin e ka konfirmuar për Insajderin Sokol Zogaj, drejtor i Burgjeve të Kosovës.

Ai ka njoftuar se Syla është duke bërë disa analiza koronografike.

Syla kishte pasur probleme shëndetësore dhe në kohën kur Gjykata e Apelit kishte miratuar kërkesën e prokurorit kundër vendimit të shkallës së parë që la të lirë Sylën pas dyshimeve se ishte përpjekur të ndikonte tek një dëshmitar i mbrojtur.