Kanë kaluar më shumë se dy orë dhe ende është duke vazhduar takimi mes kryeministrit, Albin Kurti e përfaqësuesve të veteranëve, shkruan Insajderi.
Ndërkohë, brenda objektit të qeverisë është parë duke hyre edhe shefi i Bashkimit Evropian në Kosovë, Tomas Szyong. Nuk dihet ende nëse edhe ai po merr pjesë në takimin e Kurtit me veteranët.
Përfaqësuesit e Organizatës së Veteranëve të Ushtrisë Çlirimtare të Kosovës janë takuar në objektin e Qeverisë me kryeministrin e Kosovës, Albin Kurti pas ftesës që ky i fundit u ka bërë dje.
Qëllimi i këtij takimi është diskutimi lidhur me pakënaqësitë e tyre për mos përfshirje të veteranëve në Ligjin për pagën minimale.
Dje, mbi 8 orë veteranët kanë protestuar para Kuvendit të Kosovës.