Reperi i njohur nga Shqipëria, Stresi, pak ditë më parë solli projektin e ri muzikor të quajtur “Po foli i fundit”.

Në këtë këngë nuk munguan thumbat dedikuar kolegëve e po ashtu ka përmendur edhe Taynën, si një nga femrat e para repere femra në Shqipëri madje duke thënë se është shumë herë më e mirë se shumë kolegë të tij.

“Edhe hip hopin e keni dh* ma e forta Doruntina”, shprehet Stresi ndër të tjera në këtë projekt.

Kjo pjesë tanimë është bërë virale duke u shpërndarë kudo në rrjetet sociale, e sigurisht një reagim e ka bërë edhe Doruntina Shala (emri i vërtetë).

Artistja nga Prizreni ka rishpërndarë një postim të një faqeje fansash teksa ka përmendur Stresin duke e falenderuar kështu për fjalët dhe mbështetur për këngën e re, shkruan Insajderi.