Gjykata e Krujës do të vlerësojë gjatë ditës së sotme masat e sigurisë për pesë të arrestuarit e grabitjes në aeroportin “Nënë Tereza” në Rinas të Tiranës, ku pak ditë më parë u grabitën 995 mijë euro, të cilat po transportoheshin për jashtë vendit nga një bankë e nivelit të dytë.

Pesë të ndaluarit, pjesë e sigurisë së aeroportit do të dalin para trupit gjyqësor të Krujës për t’u njohur me masën e sigurisë.

Në një njoftim për media nga gjykata bëhet e ditur se ata akuzohen për shpërdorim detyre.
Grabitja shokoi Tiranën, pasi ndodhi në mes të ditës, brenda pistës së aeroportit.