I dashuri i Britney Spears, Sam Asghari fshiu një fotografi të një unaze të postuar në Instagramin e tij të premten, me pretendimin se i është vjedhur profili.

Në unazë ishte gdhendur fjala “luan”, pseudonim i Asghari-t për të dashurën e tij. Sidoqoftë, pak më vonë, ai njoftoi në Instagram:

“Llogaria ime u vodh dhe fotoja e unazës ishte photoshop. Qetësohuni të gjithë”, sipas TMZ.

Është e kuptueshme që njerëzit të mendonin se Asghari, 27 vjeç, ishte gati të shtronte pyetjen, duke qenë se ai u pa duke bërë blerje në Cartier të Beverly Hills, javën e kaluar.

Para, pak kohësh edhe Page Six shkroi se “Sam dëshiron t’i bëjë një propozim shumë të veçantë Britney-n, por kur të jetë koha e duhur”.