Të martën, më 14 tetor 2025, nis ri-gjykimi për rastin e vrasjes me eksploziv në Gjakovë. Ftesat për palët e përfshira janë dërguar nga ora 9:30, duke shënuar fillimin e procesit të ri gjyqësor.

Sipas informacionit të fundit, i akuzuari kryesor në këtë rast, Dod Gjikolli, i cili më parë ishte liruar nga akuzat nga Gjykata në Gjakovë, nuk ndodhet më në Kosovë. Vendimin për lirimin e tij e kishte marrë trupi gjykues që kryesohej nga Ilir Rashkaj.

Në një prononcim për Gazetën Insajderi, familjari i viktimës, H.A. Gani Ahmeti, ka deklaruar se do të kërkojë që trupin e të ndjerit dhe materialin filmik nga DVR të dërgohen në Shtetet e Bashkuara të Amerikës për ekspertizë të mëtejshme.

Sipas aktakuzës së përpiluar më 5 gusht 2022 nga Prokuroria Themelore në Prizren, i pandehuri Dod Gjikolli po akuzohet se më 14 tetor 2018, në fshatin Smolicë të Komunës së Gjakovës, ka privuar nga jeta të ndjerin Haxhi Ahmeti.

Aktakuza sqaron se Gjikolli kishte vendosur eksploziv në dyert e oborrit të H.A. dhe, duke e aktivizuar me teledirigjues, kishte shkaktuar vdekjen e një personi dhe lëndimin e A.K. Ai ngarkohet me veprat penale “Vrasje e rëndë” dhe “Posedim i paautorizuar i materialit eksploziv”.

Ri-gjykimi pritet të shqyrtojë sërish provat dhe të vendosë për përgjegjësinë penale të të akuzuarit, megjithëse mungesa e tij në vend mund të komplikojë procesin.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër