Autoriteti i Aviacionit Civil dhe Policia e Shtetit kane bërë tri testime të fshehta për sigurinë në aerport më 20 prill 2016. Në testimin e parë është futur eksploziv; në testimin e dytë është arritur të futen armë të ftohta; kurse në testimin e tretë ia kanë dalë ta çajnë rrethimin (perimetrin e jashtëm), saktësisht tek e njëjta derë ku kanë hyrë grabitësit.

Në të tri testimet, siguria e aeroportit ka dështuar të detektojë rrezikun. Tritoli është futur, po ashtu edhe thika. Por, më e rënda, është realizuar futja pikërisht në të njëjtën pikë ku u fut edhe makina e grabitësve, transmeton TCh.

Për 10 minuta simulatorët kanë çarë rrethimin dhe nuk janë kapur nga sistemi i kamerave të ICTS-së, i cili nuk ka funksionuar. Për këto dështime ishte dorëzuar edhe raporti tek aeroporti dhe Ministria e Transporteve në mes të muajit maj. Për sigurinë në aeroportin e Rinasit në Titranë përgjegjëse ishin “Airport Partners” dhe kompania ICTS.