×
  • Lajme
  • Lajme

    Thaçi mund ta ketë kundërkandidat Murat Jasharin

    Insajderi
    22 January 2016 - 09:06
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Procesi i zgjedhjes së Hashim Thaçit president të Kosovës nuk do të vihet në pikëpyetje nga sigurimi i votave të disa deputetëve të cilët kanë shprehur rezervën për ta votuar.

    Thaçi i cili një pjesë të karrierës së tij politike në 16 vitet e fundit e ka ndërtuar duke përdorur afërsinë me familjen Jashari nga Prekazi, sipas të gjitha gjasave do të ketë kundër-kandidat pikërisht një pjesëtar të kësaj familje.

    Fatmir Limaj njëri prej 3 liderëve të opozitës teksa ka paralajmëruar protestën e ardhshme të Opozitës që pritet të mbahet me 17 shkurt, teksa ka thënë se do të ndihej krenar nëse Murat Jashari do të zgjidhej president i ri i vendit.

    Në një intervistë për gazetën Zëri, Limaj ka ripërsëritur qëndrimin e opozitës së Thaçi nuk mund të jetë një figurë unifikuese ashtu sikurse kërkohet me Kushtetutë.

    Limaj nuk ka përmendur saktësisht nëse opozita do të dalë më kandidaturën e Jasharit por gjatë intervistës ka lënë shumë të nënkuptohet se kjo mund të ndodhë.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark