Presidenti i zgjedhur i Kosovës, Hashim Thaçi, ka uruar besimtarët e fesë krishtere për Festën e Pashkëve.

“Pashkët janë simbol i ringjalljes, i ngadhënjimit të së mirës mbi të keqen. Kosova dhe qytetarët e saj kanë përjetuar shumë vuajtje, por gjithmonë kanë dëshmuar durimin, urtësinë dhe fuqinë që të rindërtojnë jetët dhe shtëpitë e tyre”, ka thënë ai.

“Uroj që në shtëpinë e çdo besimtari që feston Pashkët të mbizotërojë dashuria, gëzimi dhe lumturia. Gëzuar!”.

Më herët, edhe kryeministri i Kosovës, Isa Mustafa, dhe kryetari i Kuvendit të Kosovës, Kadri Veseli, uruan për këtë festë./Insajderi.com