Ministri i Punës dhe Mirqenies Sociale Arban Abrashi ka njoftuar se është themeluar Komisioni Qeveritar për njohjen dhe verifikimin e statusit të personave të dhunuar gjatë Luftës Çlirimtare në Kosovë.

Abrashi përmes një statusi në Facevook ka deklaruar se me funksionalizimin e këtij komisioni nisë edhe procesi i aplikimit dhe verifikimit të statusit të viktimave të dhunës seksuale dhe më pas edhe kompensimi i tyre.

“Ky kompensim nuk do ta ofrojë drejtësinë e munguar, por do të jetë një mbështetje institucionale për këtë kategori të shoqërisë”.

“Kjo është një datë e rëndësishme për këto viktima sepse pas një periudhe të gjatë po fillon njohja dhe përkrahja e tyre, aq e mohuar deri më tani”, shkruan Abrashi.