Një person është therur me thikë në Novosellë të Pejës pas përleshjes mes dy personave.
Rasti ka ndodhur sot rreth orës 12:00 në Novosellë të Pejës. Rastin e ka konfirmuar për Gazetën Insajderi, zëdhënësi i policisë për rajonin e Pejës, Driton Rugova.
Ai tha se viktima është dërguar për trajtim mjekësor në Spitalin e Pejës, ndërsa i dyshuari është arrestuar.
“Rreth orës 12:10 policia është informuar për një përleshje fizike mes dy personave në Novosellë të Pejës. Si pasojë, një person është lënduar nga mjeti i mprehtë – thikë. I njëjti është dërguar në Spitalin e Pejës për trajtim, ndërsa i dyshuari është arrestuar”, tha Rugova.