Një prej dy të plagosurve me armë zjarri në Prishtinë mbrëmjen e së martës në rrugën “Jeronim De Rada” ka vdekur.

Lajmin e ka konfirmuar Agron Borovci, zëdhënësi i Policisë për rajonin e Prishtinës, du ke thënë se njëri nga viktimat ka ndërruar në vendngjarje.

“Rreth orës 21:15, është raportuar për gjuajtje me armë zjarri të ndodhur në rrugën “Jeronim De Rada” në Prishtinë”, ka thënë ai për Insajderin.

“Me të marrë informatën, policia ka dalë në vendin e ngjarjes dhe nga informacionet e para është bërë e ditur se për pasojë dy persona kanë marrë plagë nga arma e zjarrit ku  fatkeqësisht njëri nga ta ka ndërruar jetë”.

“Ndërkohë që e plagosura është dërguar në QKUK për trajtimin e nevojshëm mjekësor, policia po vijon punën e saj me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin e të dyshuarve të implikuar në rast, si dhe sqarimin e plotë të rrethanave të ngjarjes”, përfundon ai. /Insajderi.org/