Treni provokues i Serbisë sërish merr udhën në drejtim të Republikës së Kosovës. Por kësaj here do të ndalet deri në kufi – Merdare.

Me mbishkrimin “Kosova është Serbi”, ky tren gjatë 10 ditëve të para të shkurtit do të udhëtojë nga Nishi në Merdare.

Ai pritet të lëshohet nesër në orën 03:55 të mëngjesit, ndërsa nga Merdare për Nish nisja do të jetë në orën 13:20, shkruan agjencia serbe e lajmeve ‘Tanjug’.

Ky tren ishte planifikuar të kishte linjë të rregullt nga Beogradi për në Mitrovicën e Veriut, por nuk arriti ta përfundojë drejtimin e tij, pasi ai u ndalua me 14 janar në Rashkë. Organet e rendit të Republikës së Kosovës kishin marrë të gjitha masat për të mos lejuar futjen e tij në Kosovë./Insajderi.com