Presidenti i Rusisë, Vladimir Putin, ka biseduar në telefon me presidentin e zgjedhur të Shteteve të Bashkuara të Amerikës, Donald Trump, ka bërë të ditur Kremlini.

Nëpërmjet një komunikate, Presidenca ruse ka njoftuar se Putin i ka thënë Trumpit se është i gatshëm të zhvillojë një dialog mbi bazën e “respektit reciprok” dhe “mospërzierjes në punët e brendshme të njëri-tjetrit”.

Sipas komunikatës, Putin dhe Trump janë pajtuar që të angazhohen “për t’i shfrytëzuar marrëdhëniet bilaterale për bashkëpunim konstruktiv”.

Kandidati republikan Donald Trump triumfoi në zgjedhjet presidenciale në Amerikë, ndaj kanidates demokrate Hillary Clinton. /Insajderi.com