Elon Musk ka bërë të ditura planet e tij për t’i larguar nga Twitter llogaritë të cilat nuk kanë qenë aktive për disa vite.

Musk që mori pronësinë e Twitter në muajin tetor, tha se ‘’është e rëndësishme të lirojmë hapësirë’’.

Kjo nismë është kritikuar shumë në rrjetet sociale, pasi përdoruesit e kësaj platforme u frikësuan se do të humbasin qasjen në llogaritë e të afërmve të tyre që kanë vdekur.

Megjithatë, pronari i ri i Twitter, la të nënkuptohet se kjo mund të shmanget pasi që ekziston mundësia e arkivimit të llogarive në vend se të fshihen.