Një tjetër ngjarje e rëndë ka ndodhur ditën e sotme në Shqipëri, ku një 31-vjeçar ka vrarë vetën në burgu e komisariatit të Kavajës.
31-vjeçari Ilvi Ustameta, ishte ndaluar ditën e sotme nga policia pasi akuzohej për vjedhje.
31-vjeçari ishte arrestuar për disa vjedhje, i shoqëruar për disa orë më parë. Grupi i dhomës së paraburgimit ka tentuar të japë ndihmën e parë por ka qenë e pamundur pasi i riu kishte ndërruar jetë.
I riu dyshohet të jetë vetëvrarë me çarçaf.
Kujtojmë që vetëm një muaj më parë një tjetër ngjarje e rëndë ndodhi në komisariatin e Kamzës, ku një i ndaluar i vuri flakën qelisë dhe humbi jetën, ndërsa mbeti i lënduar edhe një oficer policie.
Njoftimi i Policisë:
Lidhur me ngjarjen e ndodhur sot në Komisariatin e Policisë Kavajë, ku ka humbur jetën një shtetas i arrestuar, dyshohet i vetëvarur në qeli, Agjencia e Mbikëqyrjes Policore ka ngritur një grup të posaçëm hetimor.
Shtetasi I.M., 31 vjeç, ishte arrestuar sot me vendim të Gjykatës së Rrethit Kavajë, e cila kishte vendosur masën e sigurisë “Arrest me burg”, mbi dyshimet si autor i disa vjedhjeve.
Menjëherë pas marrjes dijeni të ngjarjes, AMP ka nisur hetimet për sqarimin e rrethanave, mekanizmit të ngjarjes, si edhe nxjerrjen e përgjegjësive.
Në fund të këtyre hetimeve, AMP do të ketë një komunikim më të detajuar.
Ndërkohë që kujtojmë që mbrëmjen e 26 marsit një ngjarje e ngjashme ndodhi edhe në Komisariatin e Kamzës, ku një tjetër i ri mbeti i vdeklur për shkak të djegieve në trup,. Pasi i kishte vënë flakën qelisë.
Në Komisariatin e Kamzës humb i jetën 26-vjeçari Arben Mici, i cili i vuri flakën çarçafëve të qelisë. Gjithashtu për shkak të flakëve u plagosën dhe një tjetër i ndaluar, Dilaver Idrizi dhe efektivi Hajredin Boja.
Për këtë ngjarje gjykata vendosi masën arrest me burg për efektivin Boja dhe kolegun e tij në shërbim.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
