Edhe sot në Tiranë qytetarët kanë vazhduar me protestë pas vrasjes së Klodian Rashës, i cili u vra nga një efektiv i policisë, shkruan Insajderi.

Në ditën e pestë të kësaj proteste kanë filluar edhe shoqërimet e para në polici.

Kjo ndodhi pas përplasjes që u shënua përpara Drejtorisë së Policisë së Tiranës u pa se protestuesit u tërhoqën nga hedhja e ujit dhe gazit lotsjellës.

Bëhet me dije se rreth 10 persona janë shoqëruar, shumica prej tyre të rinj.

Protesta e së dielës nisi paqësisht, por më pas u përshkallëzua në dhunë.

Në rrjetet sociale u bë sërish thirrje për protesta në sheshet kryesore të vendit, kundër dhunës policore, për lirimin e protestuesve, shkarkimin e drejtorit të Policisë së Shtetit, Ardi Veliu, dhe reformim të policisë.