Mbrëmjen e së enjtes në një aksident trafiku ne fshatin Budrige të Gjilan, si pasojë e lëndimeve të rënda ka humbur jetën një person.

Sipas policisë në aksident janë përfshirë tre vetura, ku përveç personit që ka vdekur, kanë mbetur të lënduar edhe katër persona të tjerë.

Të lënduarit fillimisht ishin dërguar për trajtim në emergjencën e Gjilanit ndërsa dy prej të lënduarve më rëndë janë dërguar për tretman të mëtutjeshëm në Qendrën Klinike Universitare të Kosovës.

Ndërkaq trupi i pa jetë me vendim të prokurorit është dërguar për obduksion në Institutin e Mjekësisë Ligjore. /Insajderi.com