Pas ngjarjes së rëndë në Ferizaj në të cilën mbeti i vrarë Gazmend Hyseni i njohur me nofkën “Strella”, nga dorasi Qendrim Januzi i njohur si “RIFA”, Insajderi mëson se të dy kishin lidhje me reperin Fero dhe Buta, shkruan Insajderi

“Strella” ishte dikur mik i Butës dhe gjithashtu mik i Qendrim Januzit i cili është vëllau i reperit, pas disa konfliktesh, miqësia e tyre u “fundos”, duke hapur rrugë “Strellës” për një mik të ri nga estrada, i cili mësohet të jetë Fero.

Informacionin se Januzi ishte dorasi në këtë ngjarje për Insajderin e konfirmoi edhe policia e Kosovës. Ndërkaq i njejti kishte probleme me ligjin edhe më herët, gjë për të cilën përfundoi në burg.

Në një intervistë për Elitë Show, Buta kishte treguar për një periudhë të vështirë në jetë, ku për të disa probleme serioze dhe konflikteve vëllai i tij kishte përfunduar në burg për tentativë vrasje dhe armëmbajtje pa leje, dënim që tashmë e ka përfunduar.

Buta: Kemi patur probleme të mahallës, deri para 2014 kanë përfunduar të gjitha. Nuk kam qenë në probleme të rrihem, por më serioze. Kemi qenë në bela, jo me familje me gjak, por me shoqëri me probleme. Kam shokë që kanë vdekur, kam shokë që kanë qenë në burg, vëllai im ka qenë në burg. Janë munduar të mos më përzijnë se e kanë parë që kam patur talent, por nuk kemi patur ku të shkojmë.