Organizata e Veteranëve të Luftës të UÇK-së dega në Skenderaj, ka reaguar ndaj ndërtimit të murit në veri të Mitrovicës, duke thënë se kjo është një ndarje e qytetit.

Ata përmes një komunikatë për media kanë paralajmëruar se do të jenë të gatshëm që të kontribuojmë për atdheun dhe mbrojtjen e vlerave të luftës çlirimtare.

“Ne ashtu siç ishim gjatë luftës së lavdishme çlirimtare, prapë do të jemi në shërbim të popullit e të atdheut, si dhe, do të jemi të gatshëm që të kontribuojmë për atdheun tonë dhe mbrojtjen e vlerave të luftës çlirimtare. Nëse na thërret atdheu, ne nuk do të kursejmë asgjë”, thuhet në komunikatë. /Insajderi.com