Me rastin e shënimit të Epopesë së UÇK-së, më 5, 6 dhe 7 mars institucionet shtetërore kanë organizuar një mori aktivitetesh.

Qeveria e Kosovës ditë më parë ka publikuar aktivitetet që do të mbahen në nderim të luftës dhe rënies heroike të familjes Jashari.

Organizata e Veteranëve të Luftës së UÇK-së nuk i janë bashkuar qeverisë.

Ata kanë vendosur që të kenë një agjendë të veçantë, e cila nis me homazhe për nder të dëshmorëve.

Vendimin për agjendën e veçantë të Epopesë, ashtu sikurse edhe të përvjetorit të Pavarësisë së Kosovës, OVL-UÇK e mori në mbledhjen e 13 shkurtit.