Ish-kryetari i degës së Nismës për Kosovën në Kamenicë, Rexhep Vranja, që nga dita e sotme është bashkuar me Lëvizjen Vetëvendosje, duke e lënë postin e tij prej kryetari në degën e NISMA-s.

Këtë e ka bërë të ditur partia e tij e re, Vetëvendosje, e cila njoftoi për këtë arritje të re në partinë më të madhe opozitare.

“Ish-kryetari i NISMA-s në Kamenicë, z. Rexhep Vranja iu bashkua Lëvizjes VETËVENDOSJE! Lëvizja po fuqizohet!”, shkruhet në njoftimin e Lëvizjes Vetëvendosje, raporton Insajderi.

E për t’i uruar mirëseardhje në parti, për Vranjën u përkujdes lideri i VV-së, Visar Ymeri, i cili e pranoi në parti ish-liderin e NISMA-s në Kamenicë. /Insajderi.com