Trajneri i Arsenalit, Arsene Wenger, ka ironizuar me ish-futbollistin e tij më të mirë, Thierry Henry, i cili ditë më parë deklaroi se “fansat e Arsenalit janë më të zemëruar se kurrë”.
Deklarata e Henryt erdhi pas disfatës që topçinjtë e pësuan ndaj Swansea City në shtëpinë e tyre.
Por për trajnerin francez ajo që ka thënë Henry nuk mund të jetë e vërtetë derisa ai ulët në ulëset më të mira të stadiumit, jo në ato të tifozëve.
“Thierry Henry ka mendimin e tij. Por, ai nuk mund ta dijë zemërimin e 60.000 tifozëve, pasi ai ulët në ulëset më të mira të stadiumit”, deklaroi Wenger në konferencën për shtyp para ndeshjes ndaj Tottenhamit.
Derbi i Londrës veriore do të zhvillohet të shtunën në ora 13:45, në stadiumin “White Hart Lane” të Tottenhamit.