Tesla nxori versione më të lira të automjeteve të saj Model S dhe Model X në SHBA, ndërsa konkurrenca në hapësirën e automjeteve elektrike vazhdon të rritet.

Versionet me kosto më të ulët të të dy automjeteve të lançuara të hënën janë 10 mijë dollarë më pak se modeli i rregullt, sipas faqes së internetit të Tesla.

Gama standarde e Model X fillon nga 88 mijë e 490 dollarë kundrejt 98 mijë e 490 dollarëve për Modelin X.

Versioni më i lirë ka një distancë prej 255 milje deri në 269 milje.

Për krahasim, Modeli X ka një distancë prej 330 milje deri në 348 milje dhe një shpejtësi nxitimi pak më të shpejtë.

Gama Standarde e Model S fillon me një çmim prej 78,490 dollarë kundrejt 88,490 dollarëve për Modelin S.

Versioni më i lirë i Modelit S ka një distancë prej 298 milje deri në 320 milje. Modeli S ka një distancë prej 375 milje deri në 405 milje.

Tesla vazhdon të fokusohet në fitimin e pjesës së tregut dhe rritjen e shitjeve të makinave të saj në kurriz të marzheve.

Në fitimet e tremujorit të qershorit, prodhuesi i makinave, i drejtuar nga miliarderi Elon Musk, raportoi marzhe operative prej 9.6%, më të ulëtat për të paktën pesë tremujorët e fundit.

Makinat me kosto më të ulët janë pjesë e një përpjekjeje më të gjerë nga Tesla duke u fokusuar në të qenit konkurrues në çmim, ndërsa prodhuesit e automjeteve në mbarë botën lëshojnë automjete elektrike dhe konkurrenca po nxehet.

Tesla ka ndryshuar vazhdimisht me çmimet e saj në tregjet kryesore. Kompania uli sërish çmimet për makinat e saj Model Y dhe Model 3 në Kinë të dielën.

Modeli S dhe Model X janë automjetet më të vjetra të Tesla-s dhe ulja e çmimit mund të jetë një përpjekje për t’i dhënë jetë të re makinave ndërsa investitorët presin prodhimin masiv të Cybertruck të kompanisë vitin e ardhshëm.