Në Qendrën e Vetëvendosje në Prishtinë votuan rreth 900 anëtarë, të cilët zgjodhën Ylli Hoxhën për kryetar të kësaj qendre.

Ylli Hoxha është rizgjedhur edhe njëherë Kryetar i Degës së Lëvizjes Vetëvendosje për Prishtinë. Rreth 900 anëtarë të LVV-së kanë marrë pjesë në zgjedhjet e djeshme që janë mbajtur në disa qendra në rajonin e Prishtinës.

95.67 % kanë votuar për Hoxhën kryetar, 2.21 kanë votuar kundër tij dhe 1.44 kanë abstenuar, tha zëdhënësja e LVV-së, Tinka Kurti.

Pavarësisht se gara është bërë pa kundërkandidat, Kurti lavdëroi procesin zgjedhor, njofton RTK, transmeton Insajderi.

“Demokracia e brendshme në Lëvizje është shembull për demokracinë në përgjithësi në vendin tonë. Jemi i vetmi subjekt ku secili anëtar ka të drejtë vote, jo vetëm për të zgjedhur drejtuesit e organizatës sonë, por edhe për të vendosur përmes referendumit të brendshëm, mbi çështjet dhe proceset e e rëndësishme në Lëvizje”, thuhet në njoftimin e LVV-së.