Lideri i Lëvizjes Vetëvendosje Visar Ymeri, ka reaguar ndaj  ngjarjeve të fundit në Alepo, të cilat sipas tij e kanë tronditur ndërgjegjen e njerëzve.

Ymeri ka shkruar në Facebook se vetëm solidarizohemi me civilët e pafajshëm nuk mjafton, ai thotë se duhet parë rrugët e daljes nga kjo “vorbullë e përgjakshme”.

“Siria është shembulli më ilustrues që na tregon se sa e rrezikshme bëhet bota kur marrëdhëniet ndërkombëtare udhëhiqen nga pragmatizmi- nga interesi vetjak për dominim. Në Siri tash e sa kohë po e pëson një popull i tërë, po i cenohet e shkatërrohet hapësira, po i pamundësohet jetesa e shkatërrohet e ardhmja”.

“Është desovranizuar për t’iu kontrolluar territori e resurset, e kështu po i cenohet liria e mirëqenia. Një paqe e përhershme është e mundur vetëm nëse zhduken shkaqet e luftës”, ka shkruar Ymeri në Facebook. /Insajderi.com