Ka kaluar ora e pestë që kur kryeministri i vendit, Albin Kurti është duke zhvilluar takim me presidentin e Serbisë, Aleksandër Vuçiq në Bruksel me ndërmjetësimin e shefit të diplomacisë, Josep Borrell dhe emisarin i BE-së për dialogun, Miroslav Lajçak.
Nga ky takim nuk ka dalur asnjë informatë dhe janë publikuar vetëm disa fotografi. Por, deputetit Mefail Bajqinovci i kanë mjaftuar këto pamje që të dal në konstatim që Kurti po bën përfaqësim dinjitoz.
“Përfaqësim dinjitoz. Në mbrojtje të Republikës,” – ka shkruar ai.
Me këtë postim ai shtë bashkuar shumë e shumë zyrtarëve dhe aktivistëve të VV-së që kanë thurur thurjen “#meKryeministrin”.
Përderisa takimi në Bruksel po vazhdon, aktivistë e deputetë të Lëvizjes Vetëvendosje kanë nisur një kampanjë në përkrahje të Kurtit.
Kjo kampanjë është nisur nga zëdhënësi i Lëvizjes, Arlind Manxhuka, e që pastaj është shpërndarë edhe nga të tjerët.
Deri tani nuk ka ndonjë informacione zyrtar se çka është duke ndodhur në Bruksel.