Hermes Nikaj, i njohur ndryshe eshte si Zogu i Tiranës, zbuloi prapaskenat e ndalimin të tij me arrest shtëpie për rreth 2 vjet.

Teksa bisedonte me moderatorin Ermal Peçi, ai nuk nguroi të sqaronte çdo detaj në lidhje me akuzat e tij. Ne bisedë e sipër, Hermes ndaloi edhe të lajmet e qarkulluara nga portalet online, në të cilat u publikuan edhe material fotografike që mund të dënonin Hermesin.

I pyetur nga Ermali në lidhje me këto fotografi, dhe reagimin e tij pas bujës mediatike, Nikaj tha se në një moment të dytë do të proçedoj penalisht gazetarët e mediave që kanë përhapur lajmin për të.

“Ato që i kanë nxjerrë ato foto në internet, në një moment të dytë do merrem. Është shtrembuar çdo gjë. Thonë lajmet ‘Hermes ka qenë i dënuar edhe më parë’. Si mund të hapësh një muhabet kot? Unë pa kurrë problem më parë me drejtësinë… edhe në momentin që po flasim unë figuroj i pafajshëm, i padënuar çertifikatën e penalitetit.” – tha Nikaj.

Hermes i mëshoi faktit se akuzat kundrejt tij ishin të rreme, dhe për pasojë ai sot gjendet i lirë. Ndërsa shpjegonte ndjesitë e tij në arrest shtëpie, personazhi i njohur publik tha se nuk e ka ndjerë nevojën për të pastruar imazhin dhe emrin e tij, pasi nuk ka bërë asgjë të keqe. Përkundrazi, Hermes e shpjegonte si një moment i gabuar, në vendin e gabuar me njerëzit e gabuar.

“Nëse unë do isha marrë vertetë me diçka të jashtëligjshme… Njerëzit e dijnë shumë kush jam unë. Kur gjithçka është kryer me dëshirën e kujto, pa detyrim apo përfitim, pse nuk u ngrit një vajzë, një grua te denonconte të thoshte ‘Hermes Nikaj mua më ka shfrytëzuar?’… Sepse nuk ka qenë e vërtetë. Njohje prezantime kam bërë normal, nuk ka ndonjë gjë të keqe. Nuk më intereson mua çfarë ndodh më tej.”

Por Hermes tregoi me detaje edhe ditët në paraburgim, në të cilat shpreh se ja ka kaluar shumë mirë, madje sipas tij marrëdhënia me të burgosurit e tjerë ishte e ngushtë.

“Aty rastisi Shën Valentini, mua më sollën luleshtrydhe, banana, kikirika. Të burgosurit, ata të gjithë mi sollën. Hanim e pinim ne. Ka qenë një dush aty dhe u mblidhnim ne, te dushat që qethnim njëri tjetrin. Aty hanim e pinim, pinim dhe kafe. Po ikën ato kohë.” – shprehu Hermesi me humor.