20:57 - 06 Tetor 2020

Njomza Salihi

Albulena Balaj ka harxhuar vetëm 48 euro për dreka, darka dhe shërbime të tjera gjatë vizitës zyrtare në SHBA.

Zëvendëskryeministrja Albulena Balaj ka qenë poashtu pjesë e ekipit të Avdullah Hotit në vizitën zyrtare të realizuar nga 31 gushti deri më 5 shtator në Shtetet e Bashkuara të Amerikës.

E njëjta për gjashtë ditë ka shpenzuar 3 mijë e 953 euro nga buxheti i shtetit.

Kështu tregojnë dokumentet e Zyrës së Kryeministrit të siguruara nga Gazeta Insajderi pas kërkesës për qasje në Dokumente Publike.

Ajo ka harxhuar 1 mijë e 137 euro për akomodim, dhe vetëm 48 euro për dreka, taksi dhe shërbime të tjera.

Sipas po këtyre dokumenteve, Balaj ka marrë edhe 626 euro tjera për mëditje.

Më 4 shtator, Kosova dhe Serbia e kanë nënshkruar marrëveshjen për normalizim ekonomik në Shtëpinë e Bardhë.

Marrëveshja u nënshkrua në prani të presidentit të Shteteve të Bashkuara, Donald Trump./GazetaInsajderi

Lexo edhe: