Në ditën e parë të mandatit të saj, sot mblidhet Qeveria e re e Maqedonisë së Veriut, ka bërë të ditur kryeministri i ri, Dimitar Kovaçevski.
Siç ka bërë të ditur ai në fjalimin e tij, në seancën e parë të Qeverisë së re pritet të merren disa vendime.
“Veç më në seancën e nesërme të Qeverisë fillojmë sjelljen e vendimeve për krizën energjetike”, tha mbrëmë Kovaçevski.
Sot në ora 09:00 do të bëhet pranim-dorëzimi i detyrës nga Zoran Zaevi dhe Dimitar Kovaçevski.
Ndërsa më pas, Kovaçevski sot do të realizojë takim edhe me ministren gjermane për Evropë, ndërkaq për të martën pret në takim kryeministrin e ri të Bullgarisë, Kirill Petkov.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
