Projekti i prezantuar sot parashikon krijimin e një piramide të hapur, me dyer xhami që më së shumti do të qëndrojnë hapur, e rrethuar nga një pyll të ngjashëm me atë në qendër të kryeqytetit, ku qytetarët mund të bëjnë piknik.

Pjesë e projektit është edhe ndërtimi i shkallëve të betonit për të shkuar nga poshtë lart, ku qytetarët mund të shkojnë në majë dhe të shijojnë peizazhin e qytetit.

Piramida do të funksionojë për trajnime, si dhe do të ketë bibliotekë, mjedise ku njerëzit mund të mblidhen, apo salla ku mund të ekspozojnë punimet e tyre.

Projekti i rivitalizimit të Piramidës së Tiranës synon transformimin e saj në një qendër shumëfunksionale në qytet, duke siguruar hapësirë për të rinjtë dhe njerëzit që të angazhohen në art, kulturë dhe teknologji krijuese.

Plani synon të krijojë simbolin e ri për Tiranën, ku ndërtesa është e arritshme nga të gjitha anët.

Risia e rivitalizimit të qendrës qëndron në faktin se TUMO është një lloj i ri i përvojës arsimore në kryqëzimin e teknologjisë dhe dizajnit. Të rinjve do t’u jepen veglat dhe njohuritë që kanë nevojë për të arritur potencialin e tyre dhe ata do të jenë në gjendje të krijojnë rrugën e tyre të të mësuarit.

TUMO i ndihmon këta fëmijë të fuqizojnë kreativitetin e tyre dhe i mbyllin ato me aftësitë e shekullit 21 dhe i përgatit ato për punë globale në të ardhmen.

Programet që do të ofrohen nga TUMO janë:

– Animacion

– Zhvillimi i lojërave

– Kinematografia

– Web Design

– Musikë

– Shkrim

– Vizatim

– Dizajn Grafik

– Modelim 3D

– Programim

– Robotics

– Grafika e lëvizjes

– Fotografi

– Media e re