Shkrimtari i njohur turk, fitues i çmimit Nobel për Letërsi, Orhan Pamuk ka dhënë një intervistë për televizionin francez “France 24” ka thënë se është jashtëzakonisht i shqetësuar me lirinë e shprehjes në shtetin e tij.

“Në Turqi gjithmonë ka qenë problematike liria e të shprehurit duke pasur parasysh shumë faktor, por tashmë situata është kritike. Mendoj se asnjëherë më parë Turqia nuk është përballur me një shtypje të lirisë së fjalës”, ka thënë Pamuk për televizionin francez.

I përkthyer në më shumë se 60 gjuhë të huaja, librat e tij si “Snow” dhe “My Name Is Red” janë lexuar në të gjithë botën.

Në këtë intervistë për France 24 ai ka treguar sesi vendi i tij Turqia është duke u përballur me censurë të paparë ndonjë herë ndaj medieve dhe njerëzve që janë kundër pushtetit.