Sindikata e pavarur e RTK-së, ka reaguar përmes një postimi se rreth 150 puntorë tash e 21 ditë janë pa kontrata pune, duke e cilësuar si veprim të paligjshëm por edhe jo human, shkruan Insajderi.

Që nga dita e sotme (e hënë) sindikata ka njoftuar se rastin do ta paraqesin në Inspektoriat të Punës dhe te Avokati i Popullit.

“Ju bëjmë me dije se si Sindikatë, qysh të hënën rastin do ta drejtojmë në Inspektoriat të Punës dhe te Avokati i Popullit”, thuhet tutje.

Sipas SPRTK puntorët janë duke shkuar në punë nën ethe se a do të largohen nga puna apo do të vazhdojnë, në mesin e këtyre puntorëve ka nëna dhe gra.

Në reagim të sindikatës ceket edhe shqetësimi për mosmiratimin e buxhetit të RTK-së ende.