Një 51-vjeçare ka mbetur e lënduar rëndë pasi është goditur nga një veturë sot në fshatin Besi në rrugën Prishtinë – Podujevë.
Lajmin e ka konfirmuar zëdhënësi i Policisë së Kosovës për rajonin e Prishtinës, Agron Borovci.
Viktima është dërguar në Qendrën Klinike Universitare të Kosovës për trajtim mjekësor.
“Rreth orës 17:00, është pranuar informata për një aksident trafiku rrugor të ndodhur në rrugën Prishtinë-Podujevë, respektivisht në fshatin Besi, të komunës së Prishtinës. Nga informatat e para bëhet e ditur se një veturë ka përplasur një këmbësore, rreth 51 vjeçe, e cila ka pësuar lëndime të rënda trupore dhe e njëjta është dërguar në QKUK për trajtimin e nevojshëm mjekësor”, ka deklaruar Borovci.
Policia ka nisur punën për hetimin e shkaqeve që kanë sjellë deri te aksidenti.
Borovci bëri të ditur se vozitësi i veturës, 23 vjeçar është dërguar në mbajtje prej 48 orësh.