Hykmete Bajrami, nga LDK ka thënë se është alarmante se si 70.6% e nxënësve edhe një muaj pas fillimit të vitit shkollor 2022/23, vijojnë procesin mësimor pa pasur në dispozicion të gjitha tekstet shkollore.

Për këtë statistikë, ajo i është referuar një studimi të publikuar këto ditë nga OJQ ETEA.

Sipas saj përgjegjësi kryesor është kryeministri Albin Kurti.

“Dorëheqja e ministres nuk mjafton, përgjegjësi kryesor këtu është Kryeministri Kurti i cili deri me tani asnjë fjalë të vetme nuk e ka thënë për dështimet në arsim”, ka shkruar Bajrami.