Sipas burimeve të sigurisë turke, Greqia vazhdon të përfshihet në veprime të paligjshme, provokuese dhe agresive në Egje, transmeton Insajderi.

Doli në pah se elementët e Forcave Ajrore Turke iu kundërpërgjigjën menjëherë avionëve grekë, të cilët shkelën hapësirën ajrore turke 30 herë në 3 ditë.

Nga të dhënat e radarëve u zbulua gjithashtu se Greqia ishte pala që ngriti tensionet në Egje, ndërsa bëhet e ditur se dokumentet janë ndarë me autoritetet përkatëse.

Duke injoruar thirrjet e Turqisë për zgjidhje paqësore të problemeve përmes dialogut, Greqia vazhdon të rrisë tensionet në Egje.

Në këtë kuadër, avionët e Forcave Ajrore Greke bënë 6 herë shkelje të hapësirës ajrore turke më 26 prill për herë të parë.

Jo vetëm kaq, avionët grekë vazhduan fluturimet e tyre provokuese pranë bregdetit turk më 27 prill.

Me shkeljet e bëra të mërkurën (27 prill), elementët e Forcave Ajrore Greke kryen 22 shkelje në hapësirën ajrore turke, përfshirë rajonet Didim, Datça dhe Dalaman.

Doli në pah se elementët e Forcave Ajrore Turke iu kundërpërgjigjën njëlloj avionëve grekë, të cilët kryen 22 shkelje në hapësirën ajrore turke, përfshirë zonat Didim, Datça dhe Dalaman.

Shkeljet masive të Greqisë në tre ditët e fundit, të vërtetuara edhe me të dhënat e radarëve, janë ndarë me autoritetet përkatëse.

Duke theksuar se Turqia në marrëdhëniet e saj me Greqinë ka qenë gjithmonë në favor të zgjidhjes së problemeve përmes metodave të dialogut paqësor brenda fushës të së drejtës ndërkombëtare dhe fqinjësisë së mirë, burimet e sigurisë vunë në dukje se Greqia vazhdon provokimet e saj në çdo rast, në vend që të mbajë dorën e miqësisë të shtrirë nga Turqia.

Burimet theksuan se ishte Greqia ajo që nisi shkeljet dhe sillej në mënyrë agresive çdo 3 ditë.

“Është e qartë se Greqia vazhdon aktivitetet e saj me qëllim provokimi dhe dezinformimi”, theksojnë burimet, ndërsa bëjnë të ditur se roli aktiv shumë më i madh i Turqisë në arenën ndërkombëtare, veçanërisht zhvillimet në kontekstin e Ukrainës, ka shkaktuar shqetësim të madh te pala greke, e cila e sheh çdo sukses të Turqisë si dështim të saj dhe po përpiqet të zbatojë një provokim të trilluar.

Edhe një herë, Greqia është ajo që përpiqet të rrisë tensionet në Egje, thanë burimet.

“Regjistrimet e radarëve mohojnë pretendimet e Greqisë, e cila po përpiqet ta bëjë Turqinë të duket agresive. Është Greqia ajo që fillon shkeljet dhe sillet në mënyrë agresive çdo 3 ditë. Megjithatë, askush nuk duhet të dyshojë se ne do të vazhdojmë të mbrojmë sigurinë e hapësirës /sonë ajrore dhe të drejtat dhe interesat e vendit tonën në kuadrin e së drejtës ndërkombëtare me vendosmëri pa lejuar të ndodhë asnjë incident”, theksojnë burimet e sigurisë./Insajderi/

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur