Universiteti i Pejës, “Haxhi Zeka” ka organizuar mbrëmjen studentore të absolventiadës, brucoshiadës dhe masteriadës në restaurantin “Vranina Palace”  ku pronar i saj është vëllau i dekanit Hysen Nimani i cili është dekan i Fakultetit të Arteve që është njësi akademike e Universitetit “Haxhi Zeka” Pejë, shkruan Insajderi.

Restauranti “Vranina Palace” është pronë familjare e dekanit Hysen Nimanit. Në Agjencionin e regjistrimit të biznesit në Kosovë (ARBK) ky restaurant figuron në emër të vëllait të tij, Valon Nimanit.

FOTO: ARBK

Lidhja e tyre familjare, duket që ka ndikuar në përzgjedhjen e restaurantit të vëllait të dekanit që të jetë pikëtakimi i studentëve e stafit për këtë aheng.

Edhe vetë dekani, Hysen Nimani kishte reklamuar restorantin muaj më parë duke ftuar qytetarët që ta vizitojnë.

FOTO: Profili i Hysen Nimanit- Facebook

Mbrëmja për studentë e staf universitar është bërë publike nga Parlamenti Studentor i Universitetit “Haxhi Zeka” Pejë. Por ajo çka të bien në sy është çmimi i lartë për një person e që është 25 euro.

Duke pas parasysh kushtet që mund të kenë studentët vlerësohet si një çmimi kogja i lartë.

FOTO: Parlamenti Studentor i Universitetit “Haxhi Zeka” Pejë- Facebook

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur