Kryetari i AAK-së, Ramush Haradinaj, ka thënë sonte në emisionin Pressing në T7 se sipas informatave të tij janë mbledhur mbi 10 milionë euro në Fondin e Sigurisë. Kjo deklaratë e tij mund të hedh poshtë pretendimet e shefit të grupit parlamentar të PDK-së, Abelard Tahiri, se nuk janë mbledhur as 2 milionë euro në Fond.

Madje Tahiri në Kuvendin e Kosovës kishte thënë se është i gatshëm të vejë bast për këtë punë.

“Unë jam i bindur dhe po vë bast që nëse kanë kaluar mbi 2 milionë euro në Fondin e Sigurisë unë e lë mandatin e deputetit, sepse as 2 milionë euro nuk keni arrit me i mbledh”, ka thënë Tahiri.

Haradinaj tha se me të vërtetë nuk i kupton opozitarët që janë kundër Fondit.

“Albini shkon nesër prej qeverisë, ndërsa ushtria na mbet neve, Kosovës.”, tha ai.

Ndërkohë kjo ishte deklarata e tij për Fondin nga Haradinaj i cili po ashtu tha se tri rroga i ka dhuruar deri më tani për këtë Fond. Ai kërkoi edhe kalimin e ligjit nga qeveria, që kontribimi në ushtri nga qytetarët të jetë permanent.

“Kam informacion rrethanor se janë mbledhur mbi 10 milionë euro në Fondin e Sigurisë. Nuk janë të sigurt. Kam informata nga ata që kanë kontribuar. Por po ju them. Edhe po t’i kishim 1 miliard, nuk është kryer puna. Duhen investime të qëndrueshme”, tha Haradinaj.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur