Drejtori i Agjencisë Kundër Korrupsionit, Yll Buleshaj ka konfirmuar për Insajderin se kanë filluar të shqyrtojë rastin e këshilltarit të Ministrit Liburn Aliu, Florent Ramqajn, pas disa përgjimeve që u publikuan para disa ditësh e që ngrisin dyshime mbi një aferë korrupsioni.

Në një prononcim për Insajderin, Buleshkaj ka deklaruar se Agjencia ka filluar ta shqyrtojë këtë rast, për të vërtetuar nëse ka ndonjë element që duhet të verifikohet apo hetohet.

“Agjencia ka filluar ta shqyrtoj këtë rast në përputhje me fushëveprimtarinë e vet, për të vërtetuar nëse ka ndonjë element i cili duhet të verifikohet/hetohet nga AKK”, u shpreh ai.

Ndërkohë, vetë Ramqaj i ka quajtur shpifje raportimet e fundit.

“Nuk ka asgjë të vërtetë te sulmet me shpifje, përveç faktit se shpifjet po porositen nga ata që janë stërpasuruar padrejtësisht. Nga ata që ne ua kemi ndalë hajninë. Pikërisht në kohën kur lëre që nuk ka keqpërdorime por edhe ku janë duke u luftuar e denoncuar cdo ditë keqpërdorimet e mëdha që kanë ndodhur, sidomos në ministrinë Infrastrukturës, sot qenka publikuar një emision, ku për ironi lakohet emri im për kinse keqpërdorime”, ka thënë Ramqaj.

Ai u kishte bërë thirrje të gjitha institucioneve të hetuesisë dhe drejtësisë që të trajtojnë cdo dyshim mbi veprimtarinë e tij.

“Sot, pastërtine time unë po e shprehi në dy mënyra. Së pari, duke i cilësuar si të pasakta dhe të pavërteta pretendimet edhe interpretimet e bëra – që më së shumë tregojnë për familjarizimin e autorit të këtij emisioni me praktikat korruptive të deritanishme. Së dyti, duke shprehur gatishmërinë por edhe duke u bërë thirrje të gjitha institucioneve të hetuesisë dhe drejtësisë që të trajtojnë cdo dyshim mbi veprimtarinë time përgjatë kohës sa jam i angazhuar në ministrinë e Mjedisit, Planifikimit Hapësinor dhe Infrastrukturës”, ka shkruar Ramqaj.

Në fund, kishte paralajmëruar ankesë dhe padi për shpifje ndaj mediumit që kishte publikuar përgjimet.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur