Policia italiane ka nisur të hetojë raportet se Agjencia Italiane e Taksave mund të ketë rënë pre e një sulmi kibernetik ku dyshohet se janë vjedhur rreth 78 giga të dhëna.

Agjencia nuk ka dhënë asnjë deklaratë nëse është sulmuar apo jo, por është shprehur vetëm se hetimet vijojnë. Edhe kompania e informatikës në shtetin fqinj ka mohuar sulmin.

Sulmi, raportojnë mediat italiane, u organizua nga LockBit, një grup ndërkombëtar i hakerëve të ransomëare. Lockbit është një grup kriminal i specializuar në këtë lloj shantazhi kibernetik. Funksionon që nga viti 2019 dhe përditëson vazhdimisht metodën e saj të punës.

Swascan, një firmë sigurie IT, tha se LockBit njoftoi në rrjetin e errët se i kishte dhënë agjencisë pesë ditë kohë për të paguar një shpërblim, në të kundërt të dhënat do të publikohen./Euronews.al

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur