Elsa Lila, këngëtarja shqiptare që tash e sa vjet jeton në Itali, është shfaqur sonte në skenën e Festivalit të Këngës në RTSH.

Lila duket se i ka lënë pas vete problemet që kishte me Ligjin në Itali, dhe ka performuar sonte në garën e këngës në Radio Televizionin Shqiptar që këtë vit ka edicionin e 61-të, shkruan Gazeta Insajderi.

Ajo ishte arrestuar nga antimafia italiane me një grup prej 12 personash të akuzuar për trafik droge. Sipas hetimeve, artistja bënte pjesë në rrjetin që drejtohej nga boksieri Petrit Bardhi dhe dyshohet se ka pasur rolin e llogaritares së grupit.

Siç bënin me dije mediat italiane në mars, Lila, 40 vjeçe, dyshohet se mbante llogaritë e fitimeve të ardhura nga trafiku i drogës.

Ajo ishte liruar më pas, shkruan Gazeta Insajderi.

Ndryshe, shumë më moti pas sukseseve të saj në në tregun muzikor, artistja e re u largua në Itali ku arriti të pranohej edhe në Sanremo dhe të përfshihej në disa bashkëpunime e projekte muzikore.

Pasi u vendos në shtetin fqinj, Lila, u rikthye sërish në Shqipëri, ku në vitin 2007 prezantoi Festivalin e RTSH në Tiranë, ndërsa krahas moderimit të akitivitetit zhvilloi disa performanca muzikore para publikut shqiptar.

Pas kësaj periudhe Elsa Lila ishte shkëputur nga aktiviteti artistik në Shqipëri për tu vendosur në Itali ku vazhdoi aktivitetin e saj./Gazeta Insajderi/